Според Агенцијата за електронски комуникации цената на СМС треба да се намали за 75 отсто. Предлогот да се намали големопродажната цена на кусите пораки од сегашните 2 денара за порака на 0,50 денари веќе е на јавна расправа, која ќе трае до крајот на месецот. Во овој период трите мобилни оператори треба да се изјаснат за него. Ова би значело дека малопродажните цени на пораките, кои сега чинат 5 денари, ќе се намалат на 1,25 денар, пишува „Дневник“.
Од АЕК со објаснување дека цената на пораките треба да се намали со оглед на тоа дека Македонија е меѓу европските земји што имаат поголеми големопродажни цени. Кај нас големопродажната цена сега е 3,25 евроценти. Во Франција е 1 евроцент, во Полска 1,22, а во Данска е 1,07 евроцент. Агенцијата побара од трите мобилни оператори цените за интерконекција што ги нудат да бидат базирани на трошоците и смета дека нивните сегашни цени не се соодветни на реалните трошоци.
Според податоците на АЕК забележително е опаѓање на бројот на испратените пораки ,додека пак со намалување на цените на разговорите, се повеќе претплатници сметаат дека е поевтино да се сврти некој број отколку да се прати порака.
OhridNews
извор:Дневник
