Снегот кој денеска почна да паѓа предизвика проблеми во одвивањето на сообраќајот. Критично е и на планинскиот превој Буково, кој како што ни изјавија граѓани кои патуваат преку овој патен правец, воопшто не е расчистен. Има и заглавени возила, а случена е една сообраќајна несреќа помеѓу две патнички возила со грчки и албански регистарски ознаки, изјавија очевидци за OhridNews.
На местото на настанот пристигнала сообраќајната полиција, но не и службите за одржување на патиштата. Граѓаните апелираат до надлежните да преземат мерки за расчистување на овој фрекфентен патен правец и да им се помогне на луѓето кои се во неволја.
OhridNews
