Утрово, во 10 часот и 30 минути во струшката Противпожарна служба бил пријавен пожар кој избил во атарот на селото Октиси, во местото Горна Краста. Пожарот зафатил околу пет хектари сува трева и нискостеблести растенија.
Како што информира командирот на струшката Противпожарна единица, Урим Каба, во гаснењето на пожарот учествувала една екипа од Противпожарната единица од Струга, вработени од јавното шумско претпријатие „Јабланица“ и граѓани.
Пожарот бил локализиран и целосно изгаснат околу 13 часот и 30 минути.
OhridNews
