Со дерби натпревар на Емирати меѓу минатогодишниот вицепрвак Арсенал и Ливерпул ќе започне новата сезона во Премиер лигата.
Новите менаџери на Манчестер Јунајтед и Манчестер Сити, Жозе Мурињо и Пеп Гвардиола деби за екипите ќе имаат против Бурнмаут односно Сандерленд.
За издвојување во првата рунда исто така е градското дерби во Лондон меѓу Челси и Вест Хем, а шампионот Лестер првиот меч ќе го одигра против составот на Хул.
Во втората рунда од Премиер лигата следува ново дерби во кое ќе се сретнат Лестер и Арсенал, а во третата силите ќе ги одмерат Тотенхем и Ливерпул.
Долго очекуваниот дуел меѓу Мурињо и Гвардиола ќе се одигра во четвртата рунда, а коло потоа ќе се сретнат Челси и Ливерпул.
Новата сезона во Премиер лигата започнува на 10/11 август, а тронот ќе го брани составот на Лестер.
OhridNews
