Со концерт на Националниот ансамбл „Танец“ вчеравечер беше отворено 64. издание на Балканскиот фестивал на народни песни и игри.
Оваа најстара фолклорна манифестација на Балканот, во организација на Центарот за култура „Григор Прличев“ Охрид, ја негува богатата културна традиција и достоинството на народите преку песна и игра.
Програмата продолжува вечерва со дефиле во 19 часот пред НУЦК “Григор Прличев” Охрид, како и со настапите на „Неврокопски ансамбл за народни песни и танци”- Гоце Делчев, Р. Бугарија, Ансамблот за фолклор „Гоце Делчев”- Битола, Р.С.Македонија и Ансамбл „Бојмија” Гевгелија, Р.С.Македонија во 20.30 часот на сцената на Долни Сарај.
Како што посочуваат организаторите влезот за посетителите е слободен.
OhridNews
