Со голем концерт кој ќе се одржи вечерва, (петок) во Центарот за култура, КУД „Отекс“ од Охрид, ќе ја одбележи 30-годишнината од постоењето. На концертот ќе настапат играорци од четири генерации на КУД „Отекс“, како и гости од Бугарија и Србија.
Ова познато културно уметничко друштво, кое сега го носи името „Отекс фолк“, и покрај тешките економски услови веќе три децении успешно опстојува на сцената и го негува традиционалниот македонски фолклор.
Концертот по повод големиот јубилеј на КУД „Отекс фолк“ започнува во 19.30 часот. Влезот чини 100 денари.
