Во саботата, во хотелот “Денариус” во Охрид , претставници на Регионалниот Одбор на СОНК од Охрид остварија меѓународна синдикална средба со свои колеги –просветари и претставници на Синдикатот за образованиее на Србија (СОС).
Македонските и српските синдикални лидери ги презентираа своите активности и приоритети во поглед на правата на просветните работници, при што беа разменети различни и слични искуства на обата синдиката. Најмногу се разговарало на темата комуницирањето со работодавците и ефектите од тие разговори и преговори. како и за екстерното оценување и интегралната инспекција. Во овој контекст, во Србија е воведен пилот-проект за т.н.плаќање и наградување по учинок, нешто слично што кај нас се воведе во здравството.
Едно од искуствата во Србија е и платеното претседателствување на синдикалниот лидер кому за 12% му е зголемена платата за време на синдикалниот лидерски мандат, додека македонскиот синдикален лидер ја нема таа привилегија, односно таа финансиска поткрепа.
На средбата се разговарало и за можна соработка на синдикален план, при што од српска страна била упатена покана до охридските синдикални лидери да ја посетат Србија и да бидат гости на регионалниот синдикат во Лесковац. Според најавите оваа средба ќе се случи кон крајот на месец мај оваа година.
фото:Дим Дон
