Сообраќајот на сите магистрални и регионални патни правци низ државата утринава се одвива без забрани, по претежно влажни коловози, информираат од АМСМ.
Повнимателно возење се препорачува на повисоките планински превои во западниот дел од државата Стража и Маврово како и Ѓавато и Буково каде се забележуваат слаби врнежи од снег кој не се задржува на коловозот. Почеста е појавата на поситни одрони низ клисурите и планинските превои, каде се препорачува крајно внимателно возење, прилагодена брзина на движење и одржување на потребното растојание помеѓу возилата.
Интензитетот на сообраќај е умерен надвор од градските средини. Се потсетуваат возачите дека од 15.11.2011 започна нивната законска обврска за задолжително поседување на зимска опрема во возилата, која ќе трае до 15.03.2012 година.
