Од АМСМ информираат дека сообраќајот на државните патишта се одвива по влажни коловози, на некои од повисоките места во западните и југозападните делови од државата со остатоци од кашест снег на коловозот. Врнежи од снег со променлив интензитет се бележат во Струга, Крушево, Штип, Делчево, Железнец и на планинските превои Буково, Ѓавато и Пресека. Намалена видливост поради појава на магла до 100 метри има на планинскиот превој Стража.
На магистралниот пат А2, делница Струга – Граничен премин Ќафасан на 8-ми декември започна измена на возниот режим за сообраќај кој ќе трае до завршување на градежните работи. Проодноста се обележува со вертикална и хоризонтална сигнализација.
OhridNews
