Утре, со почеток во 11 часот, ќе се одржи шестата седница на советот на општина Охрид.
Меѓу предвидените точки на дневен ред се предлог одлуките за усвојување на Годишните сметки и Извештајот за работењето на јавните претпријатија, предлог Одлуката за усвојување на Извештајот за реализација на Програмата за изградба на системи за водоснабдување, а советниците ќе расправаат и за Програмата за изградба на сообраќајна сигнализација, Програмата за одржување и заштита на локални патишта, улици и регулирање на режим на сообраќај, Извештајот за реализација на Програмата за поттикнување на развојот на туризмот .
На дневен ред на седницата се и Предлог Одлуката за дополнување на Одлуката за изменување на Одлуката за отстапување на користење на паркинг простори од општина Охрид на ЈП „Билјанини Извори“, а ќе се расправа и за општинскиот линиски превоз.
