На 46- та седница на советот на општина Охрид што ќе се одржи во петок со почеток во 11 часот, советниците ќе расправаат за предлог одлуката за усвојување на оперативната програма за организирање и функционирање на зимската служба на подрачјето на град Охрид, приградските и селските населби за 2015 – 2016 година.
Освен оваа точка, пред советниците ќе бидат и предлог одлуките за усвојување на годишната програма за работа на ОЈУ „ Кузман Шапкарев“, за давање согласност на Одлуката за изменување и дополнување на Одлуката за утврдување на висината на надоместокот на услугите што ги вршат ЈП Градски Пазар и ЈП Градски гробишта, како и предлог одлуката за обезбедување на надоместок за експропријација на недвижност.
Пред советниците ќе бидат и низа предлог одлуки за извештаи од реализација на развојни програми од повеќе сфери.
OhridNews
