Советот на општина Охрид денеска ќе одржи редовна седница на која градоначалникот Никола Бакрачески ќе даде информација во врска со состојбата за паркинг просторите во централното градско подрачје.
Тој неодамна изјави дека локалната самоуправа формира комисија составена од пет членови, меѓу кои адвокат, правници, сообраќаен инжинер и економист за испитување на регуларноста и економската оправданост од давањето на паркинзите под концесија.
Согласно наодите на стручните служби, потоа се очекува да биде донесено соодветно решение околу стопанисувањето со паркинг- просторот во централното градско подрачје.
OhridNews
