Градските советници денеска ќе расправаат и одлучуваат по Предлог одлуката за усвојување на Годишната програма за поставување на урбана опрема во општина Охрид за 2013 година. Локалната самоуправа уверува дека со предложената прграма ќе се стави крај на грдата слика во центарот на градот и дека Охрид повеќе нема да наликува на панаѓур во туристичката сезона.
-Тезги на секој чекор на градот никогаш повеќе нема да има. Тоа го гарантирам јавно, затоа што охриѓани заслужуваат поинаков Охрид. Она што во изминатите три до четири години го имавме во централното подрачје воопшто не наликуваше на град кој што претендира да биде позната туристичка дестинација.-изјави градоначалникот Никола Бакрачески во очи денешната седница.
Тој посочи дека е изготвен план за поставување урбана опрема во Охрид и отстапки од тој план нема да има за никого.
