Најголемата ѕвезда на Камерун, Самуел Ето`o најави дека ќе го откаже своето учество на Мундиалот 2010 во ЈАР поради нападите на Роже Мила на негова адреса.
Љубимецот на фудбалските фанови во Камерун, Мила, кој блесна со игрите на светското првенство во Италија, во текот на 1990 година изјави дека напаѓачот на европскиот клубски шампион, Интер, не го дава максимумот за Камерун.
– Тој им донесе многу успеси на Барселона и на Интер но никогаш и на Камерун. Кај него има недостиг на дисциплина. Камерун чека реакција од него- рече легендарниот Мила.
Ето, кој има 94 одиграни натпревари и 44 погодоци во дресот на „нескротливите лавови“, во изминатите две години со екипите на Барселона и Интер освои шест трофеи. Според него Камерун има поголема потреба од него на Мундијалот отколку тој од него.
– Дали вреди да отидам на светското првенство? Имам уште неколку дена да мислам на тоа. Критичарите секогаш се будат пред вакви турнири – изјави капитенот на Камерун.
Камерун се наоѓа во Е групата заедно со екипите на Холандија, Данска и Јапонија.
Ohridnews
