Еден од најдобрите кошаркари на денешницата Коби Брајант во живо ширум стадионите во Бразил ужива во натпреварит од Светското првенство.

– Фудбалот е мојот омилен спорт. Пораснав во Италија и тренирав фудбал, но ете станав врвен кошаркар – рече Брајант за официјалната интернет страна на ФИФА.

Неодамна кошаркарот на Лос Анџелес Лејкерс истакна дека на Мундијалот ќе ги бодри селекциите на Америка и Италија.

– САД има многу тешка група, но фудбалот кај нас многу напредува. Мислам дека репрезентацијата има самодоверба и ќе направи добар резултат. Тешко е да се оди против домаќинот кога зборуваме за фаворити за освојување на пехарот. Би било убаво да има финале Бразил – Аргентина, но и Германија изгледа многу јако – додаде Брајант.

Ohridnews