Ждрепката за бараж натпреварите за мундијалот во Бразил немаше милост и на мегдан ги однесе Кристијано Роналдо (Португалија) и Златан Ибрахимовиќ (Шведска). Еден од два фудбалски велемајстори нема да оди на СП што е голема загуба за фудбалот.
Најмногу среќа во баражот имаше Хрватска, која за противник го доби најслабо рангираниот на ФИФА листата, Исланд. Европскиот првак од 2004, Грција ќе се сретне со Романија додека Франција против Украина ќе ја вади мундијалска виза.
Првите натпревари од баражот се играат на 15 ноември додека реваншите четири дена подоцна односно на 19 ноември.
Мх.П.
