Спарадајс со 4-1 ја совлада екипата на Инбокс и ги комплетрираше најдобрите четири по првиот осминафинален ден на турнирот во мал фудбал.
Прва до предност дојде екипата на Спарадајс преку Матески Дарко кој беше најснаодлив во противничкиот казнен простор.
По стартниот грч, Инбокс заигра подобро а Кочоски Валентин имаше неколку убави прилки кои ги стопираше Маркоски. Изедначувањето стигна на средина на првиот дел и тоа по автоголот на Танаскоски Климчо.
Кратко траеше резултатаската изедначеност, а ја наруши Речкоски по двојното проигрување со Танаскоски.
До крајот на првиот дел повторно прецизен беше Матески, кој обезбеди комотна предност за “белите“.
Во вториот дел “зелените“ повеќе притисна, Гаврилоски имаше одлична можност но неговиот удар по одбраната на Маркоски заврши во стативата. Искусниот тим на Спрадајс не дозволи изненадување приведувајќи го мечот во мирен финиш.
– Одигравме добар натпревар. Момците пружија отпор, на крајот победи поискусната екипа. Во четвртфиналето посакуваме реванш за поразот во групата – потенцираше Речкоски од тимот на Спарадајс.
Во четвртфиналето Спарадајс ќе игра против тимот на Бел Мерцедес.
Ohridnews
