Продолжување на разговорите за решавање на „македонското црковно прашање“ не е можно, се додека „архиепископот“ Вранишковски е во затвор – изјави за бугарската телевизија поглаварот на СПЦ Иринеј, кој во Софија присуствуваше на погребот на бугарскиот патријарх Максим.
Иринеј изјави дека добиено е ветување од поглаварот на МПЦ г.г Стефан дека спорот ќе се реши, но исто така посочи дека обвиненијата против Вранишковски се „измислени“. „Ако се држиме до инаетот нема со ништо да придонесеме. До вчера бевме еден народ, зошто да не направиме нешто што би влијаело позитивно на нашите народи“ – додава Иринеј.
Инаку, според српскиот патријарх, на Балканот му претстои позитивен период, а луѓето се враќаат во цркавата на „исконските вредности и традиции“.
OhridNews
