Државјанин на Србија е уапсен во Минхен под сомнение дека е сторител на неколку стотици кражби на територијата на Германија. Српскиот државјанин е осомничен дека извршил разбојништва во домовите на неколкумина познати фудбалери, меѓу кои се Мануел Ноер, Иван Ракитиќ, Матс Хумелс.
„Вечерње новости“ пренесуваат дека во домот на девојката на уапсениот, која живее во Шабац, бил пронајден еден од рачните часовници на Ноер.
Голманот на Баерн и германската репрезентација бил ограбен во 2011 година, кога разбојникот влегол во неговиот дом преку прозорецот. Покрај неколку часовници, разбојникот си заминал и со накит и неколку илјади евра.
„Макфакс“
