Претседателот на Република Македонија, д-р Ѓорге Иванов, го прими г-дин Тони Блер, поранешен премиер на Велика Британија.
На средбата претседателот Иванов изразил задоволство од посетата на г-динот Блер, истакнувајќи го значањето што Република Македонија во континуитет го придава на развојот на односите и соработката со Обединетото Кралство.
Двајцата соговорници изразиле задоволство од нивото на билатералните односи меѓу Република Македонија и Обединетото Кралство.
На средбата станало збор за европските и евроатланските перспективи на земјите од регионот. „Во тој контекст, претседателот Иванов ги потврди заложбите на Република Македонија и посветеноста на реформските процеси, со цел исполнување на стратешките приоритети – членство во Европската унија и НАТО. Заемен заклучок на средбата беше дека европската идеја и интегративниот процес се незаменлив механизам за реформските процеси и достигнување на европските вредности и критериуми кај земјите аспиранти, но истовремено и механизам за надминување на билатералните разлики. Од тој аспект, поранешниот премиер Блер истакна дека за време на својот мандат, но и сега, силно ги подржувал интегративните процеси на земјите од Западен Балкан во ЕУ и во НАТО и смета дека ЕУ нема да биде комплетен проект без интеграцијата на западниот Балкан во неа.“-соопшти кабинетот на претседателот Иванов.
OhridNews
