Решението на проблемите во средношколскиот центар во Струга кои предизвикаа меѓуетнички поделби меѓу учениците, ќе се бара со компромис прифатлив за сите. Како што дознаваме решението било договорено на одделните средби што претставници на Владата и локалната самоуправа ги имаа изминатите два дена со родителите на учениците Македонци и Албанци, а ќе биде соопштено денеска.
Градоначалникот Рамиз Мерко во изјава за Ohridnews кажа дека локалната самоуправа и владата работат на изнаоѓање решение кое треба да ги врати учениците на настава.
Учениците Македонци веќе една недела ја бојкотираат наставата во средните училишта „Нико Нестор“ и „Ибрахим Темо“. Тие бараат воведување одвоени јазични смени со што не се согласуваат нивните соученици Албанци. Различни ставови имаат и родителите на учениците и професорите.
