ССК: Голем дел од банкарскиот систем се однесува како лихварски

Голем дел од банкарскиот сектор се однесува како лихварски сектор кој во невидлива спрега со неколку големи фирми го кочи развојот на економијата и претприемништвото, изјави Златко Калеников, директорот на Сојуз на стопански комори (ССК) на  средбата со министерот за финансии Зоран Ставрески.

„Во Македонија постои спрега во која официјално или неофицијално се шпекулира дека е влезена и Народната банка банкарскиот сектор се однесува како лихварски сектор, кој во невидлива спрега со неколку големи фирми го кочи развојот на економијата и претприемништвото во Македонија“, рече Калеников.

 Тој вели дека малите и средните претпријатија тешко доаѓаат до кредити бидејќи банките се со изговор дека немаат доволно добри проекти и додаде дека не треба да се кочи нивниот развој.

Калеников ги повика и министерот за правда и министерот за економија да се испита наследноста на имотот на зградата на Стопанската комора и додаде дека треба да се воведе дел каде ССК заедно со СКМ и Владата заедно ќе ги решаваат проблемите.