Просечната месечна бруто плата по вработен во ноември лани во однос на ноември 2008-та година била зголемена за 8,4 отсто и изнесувала 29 829 денари. Овие податоци се од последните извештаи на Државниот завод за Статистика.
Зголемувањето се должи на повисоката просечна бруто плата во здравството и секторот за социјална работа, во енергетскиот сектор и во градежништвото .
Според истиот извештај, просечната нето плата во ноември претходната година, во однос на истиот месец во 2008-та година, бележи раст од 18,1 отсто и изнесувала 19 918 денари.
Најголем пораст на просечната нето-плата по вработен, во однос на претходниот месец, е забележан во секторите рударство и вадење на камен, снабдување со електрична енергија, гас и вода и активности во врска со недвижен имот, изнајмување и деловни активности.
Ohridnews
