Според податоците на Државниот завод за статистика, вкупниот број на туристи кои ја посетиле Македонија, во февруари 2014 година изнесува 27.278. Во рамки на истиот временски период биле евидентирани вкупно 60.619 туристички ноќевања. Статистичките показатели говорат дека овој број на туристи, во однос на февруари 2013 година, е зголемен за 6,6%, додека пак бројот на ноќевања е зголемен за 3,9%.
Бројот на домашните туристи во февруари 2014 година, во однос на февруари 2013 година, е зголемен за 10,3%, а бројот на странските туристи е зголемен за 4,1%. Во споредба со податоците од февруари 2013 година, бројот на ноќевања на домашни туристи е зголемен за 3,6%, а бројот на ноќевањата на странските туристи е зголемен за 4,2%.
Во периодот јануари- февруари 2014 година, во однос на истиот период од претходната година, бројот на туристите е зголемен за 1,3% и тоа: кај домашните туристи има зголемување за 0,6%, а кај странските има зголемување за 1,9%.
Во периодот јануари- февруари 2014 година, во однос на истиот период од претходната година, бројот на ноќевањата е зголемен за 0,3% и тоа: кај домашните туристи има намалување за 2,1%, а кај странските има зголемување за 2.6%.
OhridNews
