Странски кучиња ќе ја ловат дрогата во земјава

По склучувањето на Договорот за соработка и заемна помош на царинските служби од земјава и Азербејџан, донирани се две тренирани кучиња. Кучината кои се од расата германски овчар, односно, пудла,  ќе ловат дрога како дел од тимот на Царинската управа од земјава.

Донацијата и показната вежба, на која вработените во Царината демонстрираа практични вежби за откривање на психотропни супстанции, се во рамките на првата официјална посета на делегација од царината на Азербејџан. Целта е да се зајакнат административните и иснтитуционалните капацитети на оваа наша институција.

Од Државниот царински комитет на Азербејџан, изразуваат подготвеност за обезбедување натамошна помош за Царинската управа од Македонија, пред се во информатичката технологија. Инаку, делегацијата на оваа поранешна советска република, престојува во официјална посета на земјава, предводена од директорот на Државниот царински комитет на Азербејџан, Ајдин Алиев.