Денеска, во Охрид, свечено беше отворен Меѓународниот симпозиум за електромагнетни полиња во мехатрониката, електрониката и електротениката, ИСЕФ 2013.
Во името на покровителот, општина Охрид, пред учесниците и гостите на Симпозиумот се обрати советникот Ангел Јанев.
-Охрид е туристички град и град на образованието, но Охрид е и погодна средина за развој на високо- технолошка, незагадувачка и лесна индустрија од областа на информатиката, електротехниката, енергетиката, здраството и другите сфери кои лесно ја поврзуваат науката со индустријата. Овие сектори се дел од стратегијата за развој на општина Охрид и дел од стратегијата на градоначалникот Никола Бакрачески- рече на отворањето Јанев.
Меѓународниот симпозиум се одржува во организација на Факултетот за електротехника и информациски технологии при Унуверзитетот „ Св. Кирил и Методиј“ и Институтот за мехатроника и информациски системи при Техничкиот универзитет од Лоѓ-Полска , а под покровителство на МОН, МАНУ и општина Охрид.
На него учествуваат 170 учесници од 30 земји од светот кои ќе презентираат 150 научни трудови за електромагнетните полиња во мехатрониката, електрониката и електротехниката.
OhridNews
