Шест екипи поделени во две групи ќе се надигруваат за трофејот на 38 – то издание на струшкиот ракометен турнир кој ќе се одржи од 18 до 21 август во Струга. Годинава на него ќе учествуваат минатогодишниот победник ВВ Тиквеш, ланскиот финалист Пелистер, српската Јагодина, бугарскиот Спартак од Варна, косовскиот првак Кастриоти и домаќинот Струга.
За разлика од лани, кога беше оштетена подлогата се играше во спортската сала, “Нико Нестор”, годинава повторно натпреварите ќе се играат на теренот женска плажа во Струга. – Неприфатливо беше и за екипите и за публиката, која е навикната турнирот да се игра надвор, поставена е нова подлога, , среден е теренот, – вели Крсте Илиоски претседалеот на организациониот одбор.
Струшкиот ракометен турнир е интересен за екипите од надвор, најголемиот дел од екипите доаѓаат благодарение на стартите познанаство, а својот бум би го доживеал доколку на него настапуваат најдобрите македонски екипи Металуг и Вардар.
– Со нивно вклучување многу лесно би се обезбедиле атрактивни противници,од нивен ранг, мислам дека со нивен ангажман би можеле да го издигнеме струшкиот турнир на едно повисоко ниво – смета Илиоски.
38 – от струшки турнир кој и оваа година ќе биде од меѓународен карактер ќе го задржи квалитетот. За екипите кои се овде добро ќе им дојде турнирот во пресрет на нивните учества во евро куповите. Пелистер како и косовскиот Касртиоти ќе играт во ЕХФ купот, додека Тиквеш и Спартак од Варна се учесници во Челинџ купот,
На турниот кој започнува утре, познат е распоредот на екипите. Во едната група ќе бидат бранителот на трофејот Тиквеш, Кастриоти и домаќинот Струга, додека во втората ќе играат деветкратниот победник и минатогодишен финалист Пелистер, потоа Спартак и Јагодина.
Најдобро пласираните екипи од групите ќе играат во финалето, кое се игра во Сабота, на теренот “Женска плажа”. дел од натпреварите по групи како и мечевите за медали ќе бидат пренесувани во живо на Македоснката Телевизија.
М.П.
