Студеното време со особено ниски утрински температури ќе се задржи и во текот на оваа недела. Врнежите од снег ќе се намалуваат, а денеска се очекува нова бела покривка само на планините, информираат од Управата за хидрометеоролошки работи. Температурите ќе се движат од минус 16 до минус 6, а дневните од минус 6 до 2 Целзиусови степени.
И утре ќе биде студено, но без врнежи од снег, освен во јужните делови од државата. Температурите ќе се движат меѓу минус 15 и 4 степени. В среда не’ очекува стабилизирање на времето и сончеви периоди, а температурите ќе достигнат до 5 Целзиусови степени.
В четврток повторно ќе почнат врнежи од снег во западните делови, а в петок низ целата земја. Сепак, нагласуваат во УХМР, снегот нема да паѓа со ист интензитет како изминативе три дена. Температурите ќе останат и понатаму ниски, особено во деновите на викендот.
ohridnews
