Со меморандумот за соработка што го потпишаа Универзитетот за инфоррматички науки и технологии „Св. Апостол Павле“ од Охрид и aмерикасниот универзитет во Оукленд, ќе се овозможи размена на искуства и наставен кадар помеѓу двете високообразовни институции.
Во соопштението на владината прес-служба која е во посета на Детроит, се потенцира создавањето можност за унапредување на соработката во областа на размена на студенти. „Специфична и значајна придобивка е тоа што во идниот период, студентите од земјава ќе имаат можност за практикантска работа и стажирање во компании од областа на информатичко-комуникациската индустрија во Детроит и неговата околина.“ – се вели во соопштението.
Со овој меморандум ќе се овозможи размена на искуства, технологии и експертска помош, кои можат да се користат во рамките на комерцијализација на знаењето, иновациите и претприемништвото.
Инаку, меморандумот е потпишан во рамките на економската турнеја на владината делегација во САД, предводена од премиерот Никола Груевски, на која беа претставени можностите за отворање и водење бизнис во државава, со цел привлекување на идни инвеститори.
OhridNews
