Нема казна за судиската тројка Златевски – Диковски – Ивановски, која го водеше натпреварот од последното 18 коло од првиот дел на шампионатот во Битола во кој Пелистер го доби АМАК СП со 83-79.
– “ Сторените грешки немаат влијание на конечниот резултат и немало тенденциозно судење. Сепак судењето не било на високо ниво и оцените се намалени од 7 на 3.5 “ се вели во извештајот кој го направила тричлената комисија во состав Блажески – Лазарески – Макрески, реферираше на состанокот на здружението на прволигашите првиот човек на судиската организација Боби Јосифоски.
Еден извешатај две различни гледишта – Јосифоски и Шапкар
На ваквиот извештај бурно реагираше делгатот на АМАК СП Огнен Герасимоски, но и првиот човек на клубот Венко Шапкар нарекувајќи го извешатајот скандалозен :
– Не можам да се сложам со тоа дека грешките не го одлучиле победникот на натпреварот кој заврши со 4 разлика. Не сакам да мислам дека има хајка против нас но тој истиот судија (Дикоски) не оштети и на мечот со Работнички, а еве истото го направи и на мечот со Пелистер. На таквите судии не им е местото во најсилното првенство – заврши Шапкар.
едни “за“ други “против“ – Бендески и Шапкар
За очекување е ова дополнително да ги разгори страстите на релација Охрид – Битола кои до крајот на шампионатот ќе се борат за подобра позиција во пресрет на разигрувањето. На отварањето на вториот дел од првенството на 2 Февруари, охриѓани му гостуваат на Пелситер во Битола.
АМАК СП распоред :
02.02.08 Пелистер – АМАК СП
09.02.08 АМАК СП – Струмица
16.02.08 МЗТ Скопје – АМАК СП
20.02.08 Фени Инд – АМАК СП
23.02.08 АМАК СП – Работнички
27.02.08 Соколи – АМАК СП
01.03.08 АМАК СП – Вардар О.
