Петнаесеттата и шеснаесеттата вечер на „Summer comedy marathon 2025“ донесоа две извонредни шоуа со уште подобри трансформации на актерите од охридската стендап сцена.
Шоуто Црн хумор во култниот Џез Инн кое експресно беше распродадено денови пред настанот, сосема ги оправда очекувањата. Никола Тодороски, Никола „Братучед“ Сиљаноски, Зоран Донев и Јован Цветкоски приредија вечер со смели шеги и темен хумор што ја расплака публиката од смеа.
Исто место, иста екипа, друга димензија донесе синоќешното шоу Комеди џем. Овојпат Никола, Зоки, Братучед и Јовче ја употребија магијата на тајниот зачин – публиката која уживаше во шоуто полно со изненадувања.
Вечерва на сцената во Џез Инн е шоуто Секспирианс 2 во Џез Инн. Никола Тодороски, Зоран Донев, Никола „Братучед“ Сиљаноски и Јован Цветкоски најавуваат побесрамно издание на најжешката комеди вечер во маратонoт. И ова шоу е целосно распродадено.
„Summer comedy marathon 2025“ продолжува со несмален интензитет се до 13 август кога на програмата е големото финале што ќе се случи на сцената Долни сарај каде ќе настапат едни од најдобрите стенд-ап комичари на Балканот, Никола Тодороски – Македонија и Срѓан Олман – Србија.
Карти и резервации за финалето на Summer comedy marathon на следниот ЛИНК.
Г.М.
Фото: А. Момироска
