Интерактивните електронски табли, со кои македонското образование ќе се доближи до европското, ќе бидат поставени низ училиштата во државава. Идните генерации ќе заборават на сунѓерите за бришење табли низ училиштатa, а модернизацијата ќе придонесе за подобрување на образовниот систем во земјава. За нивната набавка, започната е постапка, а исто така изготвени се и посебни критериуми врз чија основа, училиштата ќе аплицираат за добивање на овие табли.
Според Министерот за образование и наука, Панче Кралев, во училиштата ширум земјава постојат услови за поголемо вклучување на технологијата во наставниот процес. „Со новите интерактивни табли, наставниците ќе создаваат содржини со кои ќе има дадат повеќе знаења на децата и подобро ќе ги подготват за во иднина.“ – истакна Кралев.
Инаку, оваа акција е дел од проектот „Компјутер за секој ученик“, во склоп на ресорното министерство. Меѓудругото, проектот предвидува интернет пристап како во училиштата, така и во студентските домови низ државава.
OhridNews
