Во последниот натпревар од регуларниот тек на првентството во ракометната Супер лига пред своите гледачи, вечерва во салата Билјанини извори во Охрид, РК Охрид претрпе минимален пораз во дербито со Пелистер 19:20, полувреме 10:10.
Најефикасен во домашниот состав беше Кобетиќ со пет голови, а по четири запишаа Крсте Андоноски и Јанчев. Јагуриновски со шест гола беше најефикасен во редовите на Пелистер.
Охрид без оглед на овој пораз обезбеди пласман во плејофот, каде ќе ги одмери силите со шампионот Вардар, Металург, Пелистер, Работник и Пролет.
OhridNews
