Свечена церемонија по повод доделувањето на Светската награда за хуманизам

На свечена церемонија, вечерва, во куќата на Уранија на МАНУ, со почеток во 19 часот, ќе се изврши доделувањето на овогодинешната Светска нагрда за хуманизам 2013, чиј добитник е германската писателка Херта Милер.

Како што е најавено, на церемонијата ќе присуствуваат и Амбасадорката на Република Германија во Македонија, Н.Е.  Гудрун Штајнекер, Претседателот на МАНУ, Владо Камбовски, Градоначалникот на Охрид Александар Петрески, како и Раководителот на Гете институтот во Македонија,  Томас Дикхаус.

Во чест на добитничката ќе биде одржана беседа од страна на Амбасадорот Јордан Плевнеш посветена на творештвото на Херта Милер, а ќе  биде промовирано и ексклузивното издание на нејзината книга “Животни во срцето”, во издание на издавачката куќа Феникс.

Охридската Академија на хуманизмот , Светската награда за хуманизам, која се доделува на врвни личности од светската уметност, ја инаугурира во 2007 година.