Дебарско-кичевската епархија ги известува верниците дека на 26 фебруари, недела,со почеток во 16 часот, во црквата „Света Богородица“ – Каменско, ќе се служи празнична вечерна богослужба, по повод празникот „Прочка – Поклади“. Со богослужбата ќе чиноначалствува Неговото Високопреосвештенство митрополитот Дебарско-кичевски г. Тимотеј.
Од Дебарско- кичевската епархија информираат дека од 27 фебруари до 1 март , во црквата „Света Богородица“ – Каменско, секое утро со почеток во 7 часот, ќе се служи утринска богослужба, а со почеток во 16 часот, ќе се служи големо повечерие со канонот на свети Андреј Критски.
Напоменуваат дека од понеделник до четврток богослужби ќе има само во црквата „Света Богородица“ – Каменско.
OhridNews
