По повод празникот на „Свети Климент Охридски Чудотворец“, патронот на градот Охрид и на Македонската православна црква, Дебарско-кичевската епархија информира утревечер, 7 декември, во манастирот „Свети Климент и Пантелејмон“- Плаошник, ќе се служи празнична вечерна богослужба со почеток во 16.00 часот, на која ќе чиноначалствува Неговото Високо Преосвештенство митрополитот Дебарско-кичевски г. Тимотеј.
На 8 декември,сабота, во манастирот „Свети Климент и Пантелејмон“- Плаошник, ќе се служи света литургија, по повод празникот на „Свети Климент Охридски Чудотворец“, со почеток во 8.30 часот.
На 9 декември, недела, во црквата „Свети Ѓорѓи“, Влашка маала, ќе се служи света архиерејска литургија, по повод празникот на „Свети великомаченик Георгиј“, со почеток во 9.00 часот, на која ќе чиноначалствува Неговото Високо Прео-свештенство митрополитот Дебарско-кичевски г. Тимотеј.
OhridNews
