Охридските ученици, кои ќе одлучат своето образование да го продолжат во стручна насока, во иднина ќе може да се запишат на некоја од наставните програми во новото Средно стручно училиште „Свети Кирил и Методиј“.
Одлуката за основање на ова училиште беше усвоена на денешната седница на Советот на општина Охрид. Новиот училишен центар, во суштина ќе биде составен од медицинските и економските паралелки кои до сега функционираа во рамки на Гимназијата „Свети Климент Охридски“.
– Постапката за основање на училиштето е завршена и добиена е согласноста од страна на Министерството за образование и наука. Деновиве очекуваме Министерството да го објави конкурсот за прием на ученици во новото општинско средно стручно училиште, изјави Димитар Спасески секретар на Општина Охрид.
OhridNews
