Книжниот фонд на охридската библиотека дополнително збогатен со познати изданија. Од денес, љубителите на пишаниот збор, во библиотеката можат да ги изнајмат и романите “Анастасија“ од Колин Фалконер, кој минатата недела како најново издание на издавачката куќа “Култура“ беше промовиран на плоштад “Македонија“во Скопје, како и светски познатите хитови “Педесет нијанси во сиво“ од авторот ЕЛ Џејмс, “Засекогаш“ од Сузана Тамаро, “Целестинско Пророштво“ од Џејмс Ретфилд, “Градината на лагите“ од Ејлин Гоуџ и многу други.
Покрај овие изданија, набавени се и книги со кои се збогати детското одделение. Меѓу нив се насловите :“Бонтон“, “ Книга за секое момче“ “Книга за секое девојче„ “Развојот на човекот од 0 до 20 години, „Картон Сити“, “Чудата на светот“.
За најмладите членови на библиотеката, набавени се и најновите сликовници со омилените детски ликови “Штрумфови“, Црвенкапа“, “Пинокио“, “Мачорот во чизми“, меѓу кои и сликовници на англиски јазик.
OhridNews
