Секторот за внатрешни работи од Охрид ќе потпише договор за регионално поврзување со невладините организации од Охрид и Струга. Документот кој има за цел да ја унапреди соработката на полицијата и граѓанските организации ќе биде потпишан утре во хотелот „Дрим“ во Струга.
-Целта на договорот е проширување на соработката и изразување заедничка заложба за поддршка на СВР Охрид во справувањето со различните безбедносни проблеми, што е во интерес на граѓаните во регионот и манифестација на партнерство во зголемување на степенот на безбедност, информираат од СВР Охрид.
Оваа активност е во организиција на Министерството за внатарешни работи на Република Македонија и Мисијата на ОБСЕ во Скопје.
OhridNews
