Пет лица управувале моторни возила под дејство на алкохол, двајца одбиле алкотестирање, а седум возачи се исклучени од сообраќај, е резултатот на синоќешната акциска контрола која ја спроведе охридската полициска станица за безбедност во патниот сообраќај. При тоа, сообраќајната полиција одзела седум возачки дозволи и издала исто толку платни налози.
– Синоќешната акциска контрола имаше за цел подигнување на безбедноста и заштитата во сообраќајот и доследно почитување на одредбите од законот за безбедност на сообраќајот на патиштата, информира портпаролот на СВР Охрид, Стефан Димоски.
Од СВР потенцираат дека вакви и слични акциски контроли ќе се спроведуваат и во наредниот период и ги повикуваат учесниците во сообраќајот во целост да ги почитуваат сообраќајните правила и прописи и да дадат максимален придонес со цел поголема безбедност и сигурност во сообраќајот.
OhridNews
