Поради најавите за ставање ред во урбанистичкиот хаос кој изминатите години владее во Струга, градоначалникот на Струга Зијадин Села добил телефонски закани. Тој случајот вчера попладне го пријавил во Полициската станица во Струга.
Од СВР Охрид го потврдија настанот. Оттаму информираат дека пријавениот подоцна бил повикан на информативен разговор во ПС во Струга каде му било врачено писмено предупредување кое тој го прифатил.
Села денеска бил на службено патување, информираа од неговиот кабинет. Отаму не сакаа да го коментираат случајот, освен тоа дека општината согласно своите надлежности ќе продолжи со активностите за уредување на јавни површини.
OhridNews
