Температурата на водата во Охридското Езеро кај пристаништето каде за празникот Водици се фрла светиот крст, изнесува 8,2 степени Целзиусови, речиси исто колку и температурата на воздухотот, информираат од Црвениот крст, кој и оваа година ќе се грижи за безбедноста на капачите и присутните гости.
-Десет медицински екипи ќе се грижат за безбедноста на присутните. Апелираме до капачите да ги почитуваат препораките, да не конзумираат алкохол и да понесат со себе топла облека и обувки кои ќе ги облечат по капењето во студените езерски води.- изјави Сашо Точков од Црвениот крст.
Одбележувањето на богојавленските празници и годинава ќе има хуман карактер. За денот на рибарите Црвениот крст ќе се погрижи рибната чорба која годинава ќе ја подготви хотел-ресторанот „Тино“ да ја вкусат болните и изнемоштените лица згрижени во охридските здравствени установи и социјално загрозени семејства.
OhridNews
