Две илјади денари и една месингана круна за венчавки се одземени при тешка кражба извршена во црквата „Св.Антонија“ во струшкото село Глобочица.
Како што информираат од СВР Охрид, засега непознат сторител, во периодот од први до шести овој месец, преку прозорец влегол во внатрешноста на црквата.
„Тој го скршил прозорецот од источната страна на црквата и со употреба на подесен алат и физичка сила успеал да го отвори. Веднаш започнал со пребарување во внатрешноста на црквата по што противправно ги одзел парите во различни апоени и месинганата круна.“ – информираат од Секторот за внатрешни работи Охрид.
По увидот на лице место, полициската станица од Струга презема мерки за пронаоѓање на сторителот на тешката кражба.
OhridNews
