На излезот од Кичево, на магистралниот пат кој води кон Охрид, кај местото Извор, вчера, 23-годишен кичевчанец кој управувал моторцикл изгубил контрола при возењето и излетал од десната страна на патот, при што се превртел и удрил во крава која пасела во блиската ледината.
Од ударот кичевчанецот се здобил со тешки телесни повреди, скршеници на екстремитетите, по што со медицинско возило бил пренесен во Специјалната болница за ортопедија и трауматологија „Св. Еразмо“.
На местото на сообраќајната незгода извршен е увид од страна на полициска екипа.
OhridNews
