Одделот за внатрешна контрола, криминалистички истраги и професионални стандарди при МВР, до надлежното јавно обвинителство поднесе кривична пријава против вработен во Секторот за внатрешни работи Скопје, како главен инспектор, поради постоење на основани сомненија за злоупотреба на службената положба и овластувања.
Имено, пријавениот се сомничи дека искористувајќи ја својата службена позиција во тек увид во случај на тешка кражба во куќа, со намера да прибави за себе противправна имотна корист, неовластено одзел златен накит со што го извршил посоченото кривично дело.
По налог на Јавното обвинителство полицискиот слубеник е лишен од слобода, а од страна на МВР против него е поведена дисциплинска постапка и тој е суспендиран од работното место.
OhridNews
