Повремениот македонски репрезентативец Гоце Толески се приклучи на лидерот во второлигашката конкуренција Охрид. Толески кој прави кам-бек во својот матичен клубот очекува да му помогне на “белиот“ брод да исплови до Првата Лига.
– Со ангажманот на Толески го засилуваме тимот кој очекуваме во оваа јубилејна година да го оствари пласманот во Првата Лига – рече при потпишувањето на договорот, потпреседателот на клубот Илче Каланоски.
Задоволство што во клубот го имаат Толески искажа и претседателот Малезанов. – Вредеше да сме стрпливи, од почетокот на подготовките ја отворивме вратата за Толески и во ниту еден момент не се сомневав дека еден ден повторно ќе го облече белиот дрес – истакна Малезанов
Деновиве комлетната документација на фудбалерот ќе биде испратена во ФФМ, и се очекува тој да има право на настап на наредниот натпревар на “рибарите“ против Влазними во Прилеп.
М.П.
