Селекторот на македонската клупа, Џон Тошак остро ги демантираше медиумите за остсварените контакти со фудбалерот Азиз Сердар од Турција. Тој во изјава за официјалната веб страна на ФФМ рече:
– ФФМ и селекторот официјално не стапиле во контакт со Сердар Азиз. Напротив селекторот официјално изјави дека тврдењето на играчот дека лично бил повикан и убедуван од селекторот да игра за Македонија е апсолутно невистинито. Уште повеќе г-динот Тошак остро ја демантира и информацијата пласирана од Сердар Азиз дека му било ветено од негова страна дека доколку заигра за Македонија полесно ќе му направи трансфер во шпанските гиганти Реал Мадрид и Барселона?!
„Да дадеш ветување на одреден играч дека ќе му направиш трансфер во Реал Мадрид или Барселона само затоа што некогаш си бил тренер или живееш таму е многу несериозно и смешно. уште понесериозно е кога некој играч ја користи таа фраза, моето име и македонската репрезентација за да си направи добар маркетинг. Категорично тврдам дека ниту сум се јавил на Сердар Азиз ниту сум му понудил такво нешто. За жал ова е уште еден случај кога моето име се употребува за личен бенефит” изјави селекторот Тошак.
Од ФФМ велат дека принцип на работа на федерацијата е да ги контактира сите играчи кои играат во странство, а се со македонско потекло но само доколку ФФМ процени дека можат да го подигнат рејтингот на македонскиот фудбал.
Ohridnews
