Италијанската фудбалска икона Франческо Тоти постигна погодок на „Етихад“ против Манчестер Сити и стана највозрасниот фудбалер кој стрелал прецизно во Лигата на Шампиони.
Тоти со 38 години и три дена на вечната листа го помина поранешниот фудбалер на Манчестер Јунајтед, Рајан Гигс кој на погодок се радувал на 37 години и 290 денови. Трет на оваа листа е Филипо „Пипо“ Инзаги, кој во дресот на Милан постигнал погодок на 37 години и 87 денови.
Поранешниот репрезентативец на Италија може да го поправи овој рекорд бидејќи од групната фаза во Лигата на Шампиони преостануваат уште четири натпревари.
Мх.П.
