Во катедралната црква „Св. Софија“ во Охрид, по единаесетти пат беше одржан традиционалниот настан посветен на македонската музичка култура, духовност и уметност.
Настанот започна со воведна беседа за животот и делото на македонските просветители од страна на проф. д-р Димитар Пандев. Публиката имаше можност да ужива во извонредни изведби на учениците од Основното музичко училиште – Охрид, под уметничко раководство на м-р Даниел Чуркоски и Елица Рашкова, како и во настапот на пијанистката Викторија Митеска-Малезан.
Во богатата програма беа изведени дела од Ј.С. Бах, П.И. Чајковски, Ф. Шопен, Д. Шостакович и В.А. Моцарт. Посебно внимание привлече настапот на најмладите музичари, чие музицирање беше дочекано со голем ентузијазам и топли аплаузи.
Настанот беше реализиран со поддршка од Охридско-Кичевска Епархија, Општина Охрид, НУ „Охридско Лето“, Ресторан „Св. Софија“ и Културолошка иницијатива „5 до 12“.
OhridNews
фото: Славчо Малезан
