Трајкоски: Во текот на кампањата работевме и делувавме како никогаш до сега

Во изминатиов период нашиот тим сложно, лојално и посветено работеше на промоција на изборната програма и презентација на  мојата кандидатурата за градоначалник, воедно и презентација на кандидати за советници од редовите на ВМРО ДПМНЕ заедно со носителот на советничката листа  Г-дин Ѓорѓи Скепароски. Во предизборната кампања за локални избори 2013-2017 работевме и делувавме како никогаш досега. Се организираа повеќе митинзи, многу состаноци и акции но и доста пресови и соопштенија до локалните медиуми, им се обрати на жителите на општина Дебрца кандидатот за градоначалник од коалицијата За подобра Македонија, Игор Трајкоски.

Додаде дека во текот на кампањата била воведена новина, акцијата од врата до врата, во рамки на која сите заедно презентирале, биле испрашувани, но и на секое прашање давале точен и чесен одговор.

–    Со оваа акција имавме можност да ги посетиме граѓаните во своите домови да им  ја поделиме нашата изборна програма за локалните избори 2013-2017, исто така имавме можност одблиску да видиме и слушнеме дел од нивните проблеми и стравови со кои се соочуваат , но покрај искажаниот револт од досегашниот градоначалник, видовме и светлина во нивните очи со надеж за подобрување на животот, рече Трајкоски.

На жителите на Дебрца, во наредниот период од 4 години, како градоначалник Трајкоски им вети целосна поддршка.

Изрази благодарност за искажаната доверба и поддршка од граќаните, но и како што рече, огромно жалење за неспремноста на неговиот против кандидат, што не нашол време да излезе и каже барем  еден збор во врска со локалните избори.